CRP уургийн шинжилгээг захын хураагуур буюу венийн судаснаас цус авч шинжилдэг. Уг шинжилгээний үед зайлшгүй өлөн байх шаардлагагүй. Цусыг авсан бол лабораторийн анализатороор уншиж цусанд агуулагдах хэмжээг гаргана. CRP түвшин хэвийн үед 0.8-3.0мг/дл байна, хэрвээ >3.0мг/дл байвал ач холбогдолтой үрэвслийн урвал явагдаж буйг илтгэнэ. Тухайлбал, ханиад томууны үед дархлаа, үрэвслийн урвал өрнөж эд эс эмгэгшсэн бол CRP >3.0мг/дл ихэсдэг. Бид уушгины хатгалгааны явц, тавиланг үнэлэх зорилгоор цусанд CRP түвшинг тодорхойлдог.
Иймд тухайн эмгэгээс хамаарч CRP түвшин янз бүр тодорхойлогдоно. Гэхдээ цусанд CRP ихэсвэл үрэвслийн байрлал, аль эмгэг вэ гэдгийг заадаггүй болно. Ойлголт өгөх үүднээс зарим нэг эмгэгийг дурдсан болно.
Дунд зэргийн ихсэлт (1.0-10мг/дл)
- Системийн үрэвсэл, ревматойд артрит, системийн чонон яр
- Зүрхний цочмог шигдээс
- Нойр булчирхайн үрэвсэл
- Бронхит
Ач холбогдолтой ихсэлт (>10мг/дл)
- Цочмог бактерийн халдвар
- Вирусийн халдвар
- Системийн васкулит
- Том осол гэмтэл гэх мэт
By Dr. Sumiya
